တံပိုးသံစာစဉ် - မြန်မာ့နိုင်ငံရေး ကောက်ကြောင်းများ

ကရင်လူမျိုးများသည် မြန်မာ့နိုင်ငံရေး၊ တော်လှန်ရေးတွင် ပင်မအင်အားစုကြီး ဖြစ်ခဲ့၊ ဖြစ်နေသည်။ ကရင်တိုင်းရင်းသားများနှင့် ဗြိတိသျှတို့ ဆက်စပ်မှုမှာ ရှုပ်ထွေးမှုများသည်ဟု ဆိုနိုင်သည်။ ကရင်လူမျိုးများမှာ ရိုးရိုးအေးအေး နေတတ်သည့်အလျောက် ဘုရင့်နိုင်ငံ အင်ပါယာချဲ့ထွင်သောအလုပ်ကို လုပ်ခဲ့သူများ မဟုတ်ပေ။ အချို့ပညာရှင်များကမူ ကရင်လူမျိုးများ အပါအဝင် အရှေ့တောင်အာရှ၏ တောင်ပေါ်နေ လူမျိုးများ (ဇို ဟုခေါ်တတ်) [1] သည် အင်အားသုံးပြီး လူ့အသိုင်းအဝိုင်းနှင့် နိုင်ငံတည်ထောင်ခြင်း၏ ဒဏ်ရာနှင့် အန္တရာယ်များ၏ အဝေးကို ထွက်သွားပြီး အေးချမ်းလွတ်လပ်စွာ နေလိုကြသည်ဟု ဆိုသည့်အတိုင်း၊ ကရင်မှာ ယင်းလူမျိုးစုများအနက်မှ တခုဖြစ်ခဲ့သည်ဟု ဆိုပါသည်။ ကရင်အမျိုးသားလူထုဟူသော အမည်တပ်မှုအောက်တွင် ဘာသာစကား၊ ယဉ်ကျေးမှုနှင့် ပထဝီဝင် အနေအထားအရ ကွဲပြားသော အုပ်စုများစွာပါဝင်ခဲ့ကြသည်။ [2] အဓိကအားဖြင့် စကောကရင်နှင့် ပိုးကရင်ဟူ၍ အုပ်စုကြီးနှစ်ခု ကွဲပြားပြီး အချင်းချင်းကြားတွင် နိုင်ငံရေးနှင့် လူမှုရေးဆိုင်ရာ အားပြိုင်မှုများ သမိုင်းတလျှောက် ရှိခဲ့ပါသည်။ စကောကရင်များသည် ခရစ်ယာန်ဘာသာကို ပိုမိုသက်ဝင်ယုံကြည်ကြမှုရှိခဲ့ကြပြီး အစောပိုင်း ကရင့်အ...

မွန်လူမျိုးများသည် နှစ်ပေါင်းထောင်ချီသမိုင်းနှင့် တည်ရှိသောလူမျိုးများဖြစ်သည်။ ပြည်ထောင်စုရှိ အခြားတိုင်းရင်းသားများနှင့် ကွဲပြားသော ဘာသာစကားနှင့် ယဉ်ကျေးမှု လက္ခဏာများ ရှိကြသည်။ ဒေသတွင်းတွင် လူမျိုးအများစု ပြောသောစကားများမှာ Sino-Tibetan ဘာသာစကား အနွယ်ဝင် ဖြစ်သော်လည်း မွန်တို့ပြောသော ဘာသာစကားမှာ ဝ၊ တအာင်းတို့နှင့် အနွယ်တူသည့် Austroasiatic ဘာသာစကားအနွယ်ဝင် ဖြစ်သည်။ ပို၍စောသည့် Proti-austroasiatic ဘာသာစကားများကိုမူ တရုတ်ပြည်တောင်ပိုင်း သို့မဟုတ် ဗီယက်နမ်မြစ်နီမြစ်ဝှမ်းဘက်တွင် လွန်ခဲ့သော နှစ်ပေါင်း ၄၀၀၀ မှ ၅၀၀၀ ကြား စတင်ခဲ့သည်ဟုမှန်းရပြီး မွန်ခမာအနွယ်တို့သည် တရုတ်ပြည်မှ မြန်မာ၊ ထိုင်း၊ ကမ္ဘောဒီးယားနိုင်ငံများသို့ ပျံ့နှံ့သည်ဟု ပညာရှင်များက ယူဆကြသည်။ အိန္ဒိယအရှေ့ပိုင်းရှိ မုန်ဒ/မွန်ဒလူမျိုးများသည်လည်း Austroasiatic ဘာသာစကားပြောကြသူများ ဖြစ်သည်။ သမိုင်းပညာရှင်များက ယင်းလူမျိုးများကို အရှေ့တောင်အာရှတွင် ဆန်စပါးစိုက်ပျိုးခြင်းကို ကျွမ်းကျင်ခဲ့ကြသော ရှေးဦးမျိုးနွယ်များဖြစ်သည်ဟု ယုံကြည်ကြသည်။ [1] မွန်တို့သည် ဒေသတွင်း ပထမဆုံး အိန္ဒိယဒေသ အက္ခရာများကို လက်ခံကျင့်သုံးပြီး သက္ကတနှင့် ပါဠိ ဘာသာတ...